Sumarblóm

Sumarblóm eru venjulega einærar, tvíærar eða viðkvæmar fjölærar plöntur sem notaðar eru í einka- og almenningsgarða. Um ræðir fjölbreytt úrval planta sem eru sérstaklega ræktaðar til að sýna lituð blóm á vorin og sumrin. Þeim má auðveldlega skipta í fjóra flokka:

• Harðgerar einærar plöntur sem er plantað beint út snemma árs: Sólblóm, draumsóleyjar, meyjablóm, nellikur, ilmfrúr, flauelsblóm, valmúar
• Viðkvæmar einærar eða fjölærar plöntur sem er plantað í verndað umhverfi síðla vetrar: begóníur, tryggðarblóm, fagurfíflar, lóbelíur, tóbakshorn, mánabrúður, brúðarstjörnur, tóbaksjurtir, tárablóm
• Harðgerar tvíærar plöntur eða fjölærar plöntur sem eru notaðar sem fjölærar; ljónsmunnar, prímúlubastarðar, fagurfíflar, fingurbjargarblóm, ýmsar nelliku- og valmúategundir, skrúðsklukkur, riddarasporar, breiðublóm, kornblóm, fjólur, vatnsberar
• Jarðstöngulhnýði, rótarstönglar, laukar og rótarhnýði. Þær eru gróðursettar á hverju ári og fjarlægðar eftir að plantan hefur fallið niður. Yfir veturinn eru þær annaðhvort geymdar eða þeim hent: túlípanar, páskaliljur, gladíólur, hýasintur, glitfíflar.